Kevin de Bruyne, leikmaður Napoli á Ítalíu, segir ekki anda köldu milli hans og Antonio Conte, þjálfara liðsins.
De Bruyne var tekinn af velli snemma leiks á móti Manchester City í Meistaradeildinni fyrr í þessum mánuði eftir að Giovanni Di Lorenzo sá rautt og aftur er Napoli var undir gegn Milan á dögunum.
Hann var bersýnilega mjög ósáttur þegar hann var tekinn af velli gegn Milan og sagði orðrétt: „Andskotinn hafi það maður, við erum að tapa.“
Belgíski miðjumaðurinn lagði upp bæði mörk Napoli í 2-1 sigrinum á Sporting í Meistaradeildinni í gær og tjáði sig um samband sitt við Conte eftir leikinn.
„Ég hef ekkert á móti Antonio Conte og það eru alls engin vandamál okkar á milli. Ég er sigurvegari og vil auðvitað skipta sköpum á vellinum, en það eru engin vandamál milli mín og þjálfarans,“ sagði De Bruyne í kvöld.
Athugasemdir
