Roma og Napoli áttust við í ítölsku deildinni í dag á Ólympíuleikvangnum í Róm. Leiknum lauk með 2-1 sigri heimamanna.
Á 69. mínútu stöðvaði dómari leiksins, Gianluca Rocchi, leikinn vegna kynþáttafordóma. Stuðningsmenn Roma voru þá með hróp og köll í átt að Kalidou Khoulibaly, varnarmanni Napoli. Leikurinn var stopp í nokkrar mínútur vegna þess.
Á meðan leikurinn var stopp, fékk dómari leiksins alla leikmenn saman á miðjuhringinn og ræddi við þá. Edin Dzeko, fyrirliði Roma, gekk þá um völlinn og bað stuðningsmenn liðsins um að hvetja liðið og láta andstæðingana í friði.
Staðan var 2-0 fyrir Roma þegar atvikið átti sér stað.
Sjá einnig:
Ítalía: Roma lagði Napoli - Zaniolo heldur áfram að skora
Athugasemdir