Bale hefur oft verið sakaður um metnaðarleysi á tíma sínum á Spáni og þá sérstaklega undanfarið ár. Til dæmis hefur það vakið gremju að hann tali ekki spænsku þrátt fyrir að hafa búið þar í rúmlega sex ár.

Á undirbúningstímabilinu reyndi Real Madrid að losa sig við velsku stórstjörnuna en ekkert félag var reiðubúið til að greiða himinhá laun Bale. Hann virtist ekki í áformum Zinedine Zidane og ferðaðist ekki með liðinu til að keppa æfingaleik gegn Tottenham. Bale sagðist hafa verið að glíma við meiðsli en degi síðar skellti hann sér í golf og vöktu myndir af golfhring hans mikla reiði meðal stuðningsmanna félagsins.

Í síðasta landsleikjahléi tryggði Wales sæti sitt á EM á næsta ári og brutust út mikil fagnaðarlæti. Leikmenn og stuðningsmenn sungu þá afar vinsælt lag sem lýsir forgangsröðun Bale: „Wales. Golf. Madríd."

Skrifað var forgangsröðunina á stóran velskan fána og var Bale sjálfur myndaður þar sem hann var haldandi á fánanum, skælbrosandi.

Eftir hléð átti Real Madrid heimaleik við Real Sociedad og þremur dögum síðar kom franska stórveldið PSG í heimsókn.

Bale kom af bekknum í báðum leikjunum og var mikið baulað á hann. Hér má sjá móttökur stuðningsmanna í 3-1 sigri á Real Sociedad. 

Hér fyrir neðan má svo sjá móttökurnar sem Bale fékk í jafnteflinu gegn PSG. Neikvæðnin virðist ekki hafa mikil áhrif á Bale og hafa viðbrögð hans við baulinu vakið athygli, þar sem hann heldur upphituninni áfram og byrjar að hlæja.

Look at Gareth Bale’s reaction as he heard the Bernabéu crowd boo’s him !

Mentality of this man is something else 😄🔥#GarethBale #RealMadrid #WalesGolfMadrid pic.twitter.com/HobTI12Ip3

— Los Blancos Stan ⚡️🏳️ (@LosBlancoStan) December 2, 2019