Torino og Empoli skildu jöfn í Seríu A á Ítalíu í kvöld, 2-2, er liðin mættust á Ólympíuleikvanginum í Tórínó. Heimamenn léku manni færri í 60 mínútur.

MIðjumaðurinn öflugi, Tommaso Pobega, kom Torino yfir á 10. mínútu áður en liðsfélagi hans, Marko Pjaca, tvöfaldaði forystuna aðeins fimm mínútum síðar.

Torino lék manni færri frá 32. mínútu er Wilried Stephane Singo tók Federico Di Francesco niður er hann var að sleppa í gegn. Tveimur mínútum síðar minnkaði Simone Romagnoli muninn.

Það var svo á 72. mínútu er jöfnunarmark Empoli kom. Andrea La Mantia gerði það og lokatölur 2-2. Svekkjandi úrslit fyrir heimamenn sem voru í góðri stöðu til að fara upp fyrir Empoli. Torino er í 13. sæti með 18 stig en Empoli í 11. sæti með 20 stig.