Kuyt: Benítez getur snúið þessu við ef hann fær tíma

Rafa Benítez.

Mynd: Getty Images

Rafa Benítez.

Mynd: Getty Images

Sagt er að Everton sé að ræða um framtíð Rafa Benítez eftir mjög slæmt gengi að undanförnu.

Hollenski sóknarmaðurinn Dirk Kuyt spilaði undir stjórn Benítez hjá Liverpool og fór yfir málin í breska ríkisútvarpinu. Hann segist skilja pirringinn hjá stuðningsmönnum Everton.

„Ég horfði á leikinn og þekki Rafa vel því hann var stjóri minn í mörg ár. Maður gat lesið tilfinningar Everton stuðningsmanna í andliti hans því hlutirnir eru ekki að ganga vel," segir Kuyt.

„Þetta var alltaf að fara að vera erfitt fyrir Rafa því hann var stjóri Liverpool og þegar hann tók við Everton voru margir sem efuðust. En ég þekki Rafa og veit að hann mun gefa allt í starfið og reyna allt til að koma liðinu á beinu brautina."

„Tilfinningin eftir að hafa tapað grannaslag er ekki góð. Sem betur fer vann ég fleiri en ég tapaði en ég get alveg ímyndað mér hvernig andinn er hjá Everton á þessari stundu, útlitið er ekki gott."

„Ef Benítez fær tíma þá mun hann klárlega geta snúið genginu við en úrslitin í gær hjálpa honum augljóslega ekki. Það er furðulegt að segja þetta sem Liverpool maður en vonandi ná þeir að laga stöðuna því mér finnst Rafa eiga meira skilið," segir Kuyt.

Everton er í fjórtánda sæti ensku úrvalsdeildarinnar en framundan er heimaleikur gegn Arsenal og svo útileikir gegn Crystal Palace og Chelsea. Alls ekki auðveld dagskrá það.

Things don't look like they are getting any easier for Rafa Benitez and Everton. #bbcfootball #efc pic.twitter.com/4uiXNhMnU1
— BBC Sport (@BBCSport) December 2, 2021

Stöðutafla

#	Lið	L	mun	Stig
1	Arsenal	4	+7	12
2	Man City	4	+6	12
3	Leeds	4	+4	8
4	Hull City	4	+3	8
5	Brighton	4	+8	7
6	Chelsea	4	+1	7
7	Brentford	4	+3	6
8	Liverpool	4	+2	6
9	Everton	4	+2	6
10	Ipswich Town	4	-3	6
11	Nott. Forest	4	0	5
12	Newcastle	4	-1	5
13	Man Utd	4	0	4
14	Sunderland	4	-2	4
15	Bournemouth	4	-1	3
16	Crystal Palace	4	-5	3
17	Tottenham	4	-5	2
18	Fulham	4	-3	1
19	Aston Villa	4	-6	1
20	Coventry	4	-10	0

Dirk Kuyt.

Mynd: Getty Images