Erling Haaland, markahrókur Noregs.
Á föstudaginn verður dregið í riðla fyrir HM næsta sumar en keppnin verður í Bandaríkjunum, Kanada og Mexíkó. Drátturinn hefst klukkan 17:00 að íslenskum tíma og verður sýndur beint á RÚV 2.
Í tilefni af drættinum setti Guardian til gamans saman mögulegan dauðariðil sem gæti mögulega komið upp í drættinum á föstudag.
Mögulegur dauðariðill: Argentína, Marokkó, Ítalía og Noregur.
Í tilefni af drættinum setti Guardian til gamans saman mögulegan dauðariðil sem gæti mögulega komið upp í drættinum á föstudag.
Mögulegur dauðariðill: Argentína, Marokkó, Ítalía og Noregur.
Þetta eru liðin sem eru í 1. sæti, 11. sæti, 12. sæti og 29. sæti á heimslista FIFA. Argentína er ríkjandi heimsmeistari og Marokkó efst Afríkulanda á listanum.
Noregur er neðst þessara liða á styrkleikalistanum en vann alla átta leiki sína í undankeppninni og skoraði 37 mörk.
Ítalía hefur ekki tryggt sér sæti á mótinu og verður í neðsta styrkleikaflokki ef það tekst þar sem liðið er á leið í umspil í mars. Þar þarf Ítalía að vinna Norður-Írland og sigurvegarann úr leik Wales og Bosníu til að komast á mótið.
Athugasemdir
