Þýska úrvalsdeildarfélagið Paderborn birti í dag skemmtilegt myndband á Youtube-síðu sinni þar sem landsliðsmaðurinn Samúel Kári Friðjónsson er í aðalhlutverki.
Samúel Kári keppir við Anthony Evans, enskan leikmann Paderborn, í þremur mismunandi áskorunum.
Samúel, sem á átta A-landsleiki að baki fyrir Íslands hönd, gekk í raðir Paderborn frá Viking í Noregi í janúar síðastliðnum. Þessi 24 ára gamli leikmaður hafði spilað í þremur úrvalsdeildarleikjum áður en fótbolti í Þýskalandi var stöðvaður vegna kórónuveirunnar.
Hér að neðan má sjá myndbandið, en Samúel Kári hafði að lokum betur gegn Evans og var það nokkuð sannfærandi.
Athugasemdir