Gróttu er spáð 9. sæti í spá Fótbolta.net og í tilefni af því var rætt við fyrirliðann Arnar Þór Helgason í dag.
„Mér líst hrikalega vel á nýtt tímabil og ég er bara mjög spenntur að spila fyrsta leikinn á laugardaginn," sagði Arnar.
„Mér líst hrikalega vel á nýtt tímabil og ég er bara mjög spenntur að spila fyrsta leikinn á laugardaginn," sagði Arnar.
„Við misstum nokkra góða pósta úr liðinu frá því í fyrra en mér finnst hópurinn bara vera frábær. Hann er stór, nóg af ungum og efnilegum leikmönnum og ég tel okkur vera með frábæran hóp."
Grótta endaði í sjötta sæti í fyrra. Getur liðið barist í efri hlutanum í sumar?
„Já, af hverju ekki? Þetta er jöfn deild og ég tel okkur vera með hópinn til að berjast við þessi stóru lið. Við ætlum bara að reyna vinna eins marga leiki og við getum og ef við vinnum nóg af leikjum þá verðum við alltaf í toppbaráttunni."
Hvernig finnst þér nýi þjálfarinn Chris Brazell hafa komið inn í hlutina?
„Mér finnst hann hafa haldið áfram frábæru starfi frá því í fyrra. Það eru komnir fleiri Bretar í þjálfarateymið og Dóri líka. Þeir eru búnir að gera gott starf í vetur og ég er bara mjög spenntur að sjá hvernig þeir tækla áskorunina í sumar. Ég held að þeir verði bara flottir."
„Undirbúningtímabilið hefur svo sem ekki verið öðruvísi frá því síðasta, mjög svipað. Ég held að við séum með breiðari hóp og ég tel samkeppnina vera sterka í öllum stöðum. Við erum ekki búnir að ná í góð úrslit á undirbúningstímabilinu en það skiptir voðalega litlu máli eins og margir vita."
Arnar vildi ekki fara djúpt í breyttar áherslur í leik Gróttu. Að lokum var Arnar spurður út í sig sjálfan: „Ég er klár í slaginn, að sjálfsögðu," sagði fyrirliðinn.
Athugasemdir