Elísa Lana skoraði þriðja mark FH-inga í leiknum
Þór/KA er búið að tapa tveimur í röð
Þór/KA 0 - 3 FH
0-1 Valgerður Ósk Valsdóttir ('22 )
0-2 Berglind Freyja Hlynsdóttir ('27 )
0-3 Elísa Lana Sigurjónsdóttir ('38 )
Lestu um leikinn
0-1 Valgerður Ósk Valsdóttir ('22 )
0-2 Berglind Freyja Hlynsdóttir ('27 )
0-3 Elísa Lana Sigurjónsdóttir ('38 )
Lestu um leikinn
Þór/KA fékk þriggja marka skell gegn Val í síðustu umferð Bestu deildar kvenna og náði liðið greinilega ekki að hrista það af sér en liðið tapaði annan leikinn í röð með þremur mörkum gegn engu er FH kom í heimsókn í Bogann á Akureyri í dag.
Heimakonur í Þór/KA sköpuðu sér nóg af góðum færum í fyrri hluta fyrri hálfleiks og voru líklegri til að taka forystuna. Því kom það algerlega gegn gangi leiksins þegar Valgerður Ósk Valsdóttir kom FH-ingum í 1-0 þegar tæpar 22 mínútur voru komnar á klukkuna.
FH-ingar unnu boltann á vallarhelmingi Þór/KA og var það Valgerður sem fékk boltann. Hún náði að snúa og senda boltann undir Jessicu Grace í markinu.
Fimm mínútum síðar kom annað mark FH. Berglind Freyja Hlynsdóttir gerði það er boltinn barst til hennar í teignum og hefði Jessica líklega getað gert betur í markinu.
FH hamraði járnið meðan það var heitt og hélt áfram að skapa sér færi. Þriðja markið kom síðan á 38. mínútu. Berglind kom boltanum fyrir á Elísu Lönu Sigurjónsdóttur sem gerði þriðja markið.
Þrjú mörk á sextán mínútum og leiknum svo gott sem lokið á þessu augnabliki.
Þór/KA reyndi að koma sér aftur inn í leikinn í þeim síðari og sótti liðið stíft að marki FH-inga þegar leið á síðari hálfleikinn, en vantaði bara upp á að koma boltanum í netið.
FH fagnaði þriðja sigrinum á tímabilinu og er nú með 10 stig eins og topplið Breiðabliks, en Þór/KA með sex stig. Akureyringar unnu fyrstu tvo leiki sían en hafa nú tapað tveimur í röð.
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 4 | 3 | 1 | 0 | 19 - 4 | +15 | 10 |
| 2. FH | 4 | 3 | 1 | 0 | 8 - 1 | +7 | 10 |
| 3. Þróttur R. | 4 | 3 | 1 | 0 | 7 - 3 | +4 | 10 |
| 4. Valur | 4 | 2 | 1 | 1 | 5 - 1 | +4 | 7 |
| 5. Þór/KA | 4 | 2 | 0 | 2 | 6 - 8 | -2 | 6 |
| 6. Stjarnan | 4 | 2 | 0 | 2 | 6 - 13 | -7 | 6 |
| 7. Tindastóll | 4 | 1 | 0 | 3 | 3 - 5 | -2 | 3 |
| 8. Víkingur R. | 4 | 1 | 0 | 3 | 7 - 11 | -4 | 3 |
| 9. Fram | 4 | 1 | 0 | 3 | 4 - 12 | -8 | 3 |
| 10. FHL | 4 | 0 | 0 | 4 | 1 - 8 | -7 | 0 |
Athugasemdir
