Kanadíski landsliðsmaðurinn Alphonso Davies ætlar sér að vera lengi hjá þýska félaginu Bayern München.
Davies, sem er aðeins 19 ára gamall, braut sér leið inn í lið Bayern á síðustu leiktíð og gerði góða hluti.
Hann sló hvert hraðametið á fætur öðru en hann náði að festa sig í sessi í vinstri bakvarðarstöðunni.
Mörg stórlið hafa áhuga á að fá Davies en hann vill eiga langan feril hjá Bayern.
„Ég hef hugsað um hvernig ferillinn verður á eldri árum en ég vil vera eins lengi og möguleiki er á í Þýskalandi. Þegar ég er klár í að leggja skóna á hilluna þá mun ég pottþétt fara út í þjálfun og hver veit hvar ég enda svo. Kannski mun ég þjálfa í Evrópu eða jafnvel fara aftur til Kanada," sagði Davies.
Athugasemdir