'Á meðan Zaha er enn í liðinu er allt hægt'
Spá Fótbolta.net fyrir ensku úrvalsdeildina er á fleygiferð. Crystal Palace er spáð 15. sæti deildarinnar.
Tómas Þór Þórðarson, ritstjóri enska boltans hjá Símanum, gefur sitt álit á öllum liðum deildarinnar hér á Fótbolta.net. Enski boltinn verður áfram hjá Símanum næstu árin.
Allt í einu varð svona eitt mest döll lið ensku úrvalsdeildarinnar (c), nokkuð áhugavert," segir Tómas.
„Einn besti miðjumaður í sögu deildarinnar, Patrick Vieira, er mættur í stjórastólinn og leysir Íslandsvininn aldna, Roy Hodgson af hólmi. Það vantar aldrei metnaðinn á Selhurst Park og komnir eru tveir strákar sem slógu í gegn í botnbaráttunni í fyrra; Joachim Andersen frá Lyon (Fulham á láni) og Conor Gallagher sem var flottur hjá WBA."
„Á meðan Zaha er enn í liðinu er allt hægt en það verður mjög fróðlegt að sjá hvernig leikmenn liðsins fóta sig í fótboltanum hjá Vieira eftir mikinn varnarleik og pragmatík hjá Hodgson."
Athugasemdir
