Kamil Grabara
Kamil Grabara, markvörður FCK í Danmörku, skýtur föstum skotum á liðsfélaga sinn, Mat Ryan, eftir mistök ástralska markvarðarins í kvöld en þeim er greinilega ekki vel til vina.
Ryan, sem er á mála hjá FCK, er aðalmarkvörður ástralska liðsins, en hann gerði skelfileg mistök sem kostaði mark í byrjun síðari hálfleiksins.
Hann missti boltann of langt frá sér sem varð til þess að Julian Alvarez gat stolið boltanum og skorað.
Ryan hefur talað opinskátt um samkeppnina í FCK en hann segir pólitískar ástæður fyrir því að Grabara sé markvörður númer eitt, en Grabara, sem er varamarkvörður Póllands, hefur nú skotið föstum skotum til baka.
„Já, þetta var pottþétt bara pólitík,“ skrifaði Grabara og var hann augljóslega að vísa í ummæli Ryan.
Ryan sagði að FCK væri að spila Grabara til að eiga möguleika á að selja hann fyrir háa summu á næsta ári en stjórn FCK hefur neitað því. Ryan mun yfirgefa FCK um áramótin.
Must have been politics, for sure😏
— Kamil Grabara (@Kamil_Grabara1) December 3, 2022
Athugasemdir
