Völlurinn, sá stærsti í þýskum fótbolta, verður núna notaður til að aðstoða sjúklinga sem grunaðir eru um að hafa kórónuveiruna, þá sem eru með einkenni og bíða eftir niðurstöðum.

Félagið segir að markmiðið sé að brjóta niður möguleg keðjusmit með því að halda þeim sem hugsanlega hafa smitast fjarri öðrum sjúklingum, læknum og hjúkrunarfræðingum. Einnig ætlar félagið sér að minnka álagið á öðrum stöðum sem eru að aðstoða í baráttunni.

Fjölmörg önnur fótboltafélög hafa boðið fram leikvang sinn til aðstoðar gegn kórónuveirunni. Má þar nefna félög eins og Manchester City og Real Madrid.