Stefán Árni Geirsson, leikmaður KR, hefur framlengt samning sinn við félagið út tímabilið 2026. Fyrri samningur hefði runnið út í nóvember.
Stefán Árni er 24 ára sóknarsinnaður miðjumaður sem uppalinn er hjá KR. Í lok undirbúningstímabilinu meiddist hann illa og ljóst að hann yrði frá næstu mánuðina.
Hann bæði fótbrotnaði og fór úr ökklalið.
Stefán Árni er 24 ára sóknarsinnaður miðjumaður sem uppalinn er hjá KR. Í lok undirbúningstímabilinu meiddist hann illa og ljóst að hann yrði frá næstu mánuðina.
Hann bæði fótbrotnaði og fór úr ökklalið.
Í upphafi var ekki búist við að Stefán Árni gæti nokkuð spilað tímabilið 2025, yrði jafnvel frá í tólf mánuði, en bjartsýnustu menn í Vesturbænum hafa nú trú á því að Stefán Árni nái jafnvel að snúa aftur á völlinn fyrir lok tímabilsins.
Hann á að baki 136 meistaraflokksleiki og hefur í þeim skorað 20 mörk. Hann lék þá á sínum tíma 14 leiki fyrir yngri landsliðin.
Athugasemdir
