Þorvaldur klippir á borða fyrir leikinn í gær.
Þorvaldur Örlygsson, formaður KSÍ, bað franska landsliðið afsökunar eftir að mistök voru gerð þegar þjóðsöngur þeirra var spilaður á Laugardalsvelli fyrir leik Íslands og Frakklands í Þjóðadeild kvenna í gær.
Þegar La Marseillaise, þjóðsöngur Frakka, var spilaður fyrir leikinn þá var einhver önnur tónlist spiluð á sama tíma og úr varð frekar vandræðalegt augnablik á vellinum.
Þegar La Marseillaise, þjóðsöngur Frakka, var spilaður fyrir leikinn þá var einhver önnur tónlist spiluð á sama tíma og úr varð frekar vandræðalegt augnablik á vellinum.
Frakkar tóku vel eftir þessu og um þetta var talað á samfélagsmiðlum.
Samkvæmt L'Equipe þá fór formaður KSÍ til fulltrúa franska landsliðsins eftir leik og bað þá afsökunar, en það mátti sjá á Þorvaldi á vellinum að honum var ekki skemmt þegar þetta kom upp.
Hér fyrir neðan má sjá myndband sem frönsk fjölmiðlakona deildi. Rifjar hún það upp þegar tenórinn Jóhann Friðgeir Valdimarsson söng franska þjóðsönginn fyrir leik Íslands og Frakklands árið 1998. Féll sá flutningur ekki vel í kramið hjá Frökkum.
Bug pendant l’hymne français avant le match face à l’Islande. Ça rappelle forcément le ténor qui avait chanté la Marseillaise en 1998… à sa manière. pic.twitter.com/4XgJiMnYTc
— Syanie Dalmat (@SyaneDalmat) June 3, 2025
Athugasemdir
