Chelsea og Manchester City eru í viðræðum um Raheem Sterling sem eru vel á veg komnar samkvæmt Sky Sports.
Chelsea vill kaupa Sterling og Thomas Tuchel, stjóri liðsins, vill auka við breiddina í sóknarlínunni.
Chelsea vill kaupa Sterling og Thomas Tuchel, stjóri liðsins, vill auka við breiddina í sóknarlínunni.
Heimildamaður Sky Sports segir að félögin séu nálægt því að ná samkomulagi um kaupverð en annar aðili segir að talsvert muni á milli í þeim viðræðum.
Sterling vill fá hærri laun hjá Chelsea en hann er með hjá City. Hann er með um 200 þúsund pund í vikulaun hjá City.
Hann er 27 ára gamall og hefur verið hjá City frá árinu 2015 en hann kom þangað frá Liverpool. Í 225 deildarleikjum hefur hann skorað 91 mark. Í 77 landsleikjum fyrir England hefur hann skorað nítján mörk.
City er sagt vilja fá um 50 milljónir punda fyrir Sterling sem á einungis eitt ár eftir af samningi sínum við félagið.
Athugasemdir