Fótbolti.net

Árni Marínó: Einhver örvænting þessir boltar hjá þeim

Lárus Orri: Förum ekki á útivöll og óskum eftir því að fá svart gúmmí í gervigrasið

Áhyggjulaus þrátt fyrir tvö töp í röð - „Skagamenn verða að eiga það við sjálfa sig“

Alex Freyr: Viljum enda í topp 6

Jökull: Vorum hægir og fyrirsjáanlegir

Spenntur fyrir nýjum leikmanni sem verður kynntur á morgun

Höskuldur: Verður allt annar leikur hér á Kópavogsvelli

„Búnir að fá æfingu í því í 11 leikjum af 14"

Skoraði sitt fyrsta mark á ferlinum með skoti fyrir aftan miðju

Siggi Hall: Þeir brotnuðu og við gengum á lagið

Haddi eftir 5-0 tap: Svekktir fyrsta klukkutímann á leiðinni heim

Björn Daníel skaut á „gömlu kallana“ í Stúkunni - „Aldrei spilað á svona góðu grasi“

Kjartan Henry: Hlakka til að horfa á leikinn aftur

Gústi Gylfa: Eins og Þorgrímur Þráins sagði, varnarleikur vinnur leiki

„Örugglega það besta sem ég hef séð frá honum síðan ég kom"

Rúnar: Ætlum ekki að fara grenja yfir því að hafa tapað

Partí á Ísafirði í kvöld - „Vonandi sletta þeir aðeins úr klaufunum"

Alli Jói: Pabbi hringdi í mig og skammaði mig eftir leik

Fyrsta tap ÍR: „Helvíti gróft ef að eitt tap í tólf leikjum sitji þungt í mönnum"

Hemmi fékk góða afmælisgjöf: „Hún gat ekki verið betri"

fös 04. október 2024 12:30

Guðmundur Aðalsteinn Ásgeirsson
Viðtal

Elísa Viðars: Maður þekkir þær eins og handarbakið á sér

Elísa með börnunum sínum.

Mynd: Fótbolti.net - Hafliði Breiðfjörð

Elísa er fyrirliði Vals.

Mynd: Fótbolti.net - Jónína Guðjörg Guðbjartsdóttir

„Þetta leggst ótrúlega vel í mig. Við höfum verið að byggja þetta upp í sumar og maður æfir allan veturinn til að fá að takast á við svona stórar og flottar áskoranir," sagði Elísa Viðarsdóttir, fyrirliði Vals, í samtali við Fótbolta.net.

Á morgun fer fram stærsti leikur síðari ára í kvennaboltanum á Íslandi þegar Valur og Breiðablik mætast í hreinum úrslitaleik um sigur í Bestu deild kvenna. Valur er einu stigi á eftir Blikum fyrir leikinn.

Valsliðið hefur unnið deildina þrjú ár í röð og stefnir á að gera það fjórða árið í röð.

„Mér finnst þetta svo geggjuð áskorun fyrir okkur í Val. Við höfum svona verið búnar að tryggja okkur titilinn á þessum tímapunkti. Til þess að liðið geti þróast enn frekar og allir orðið sterkari einstaklingar og leikmenn, þá er ótrúlega gott að fá að prófa að takast á við þessa áskorun. Þetta er gott fyrir okkur og ég hlakka til laugardagsins, að fá að vera partur af því að hjálpa Valsliðinu yfir línuna."

Hvernig hefur andrúmsloftið verið í hópnum fyrir þennan leik?

„Auðvitað finnur maður fyrir aukinni spennu en við náum samt að halda henni í skefjum. Við stillum þessu upp eins og venjulegum leik, sem þetta er í grunninn. Við hlökkum til að halda vel í spennuna og fá að losa um hana á laugardaginn."

Þetta eru tvö langbestu lið landsins að mæta. „Þetta eru alltaf hörkuleikir og oft lítið sem sker úr um hvaða lið vinnur þessa leiki. Það er geggjað að fá að mæta þeim sem eru samhliða okkur besta lið landsins. Þetta er draumaleikurinn."

„Þessi lið eru góð, með flotta hópa og flotta þjálfara. Við þekkjum hvert annað algjörlega út og inn. Ég veit ekki hversu mikið þarf að fara í taktík fyrir þessa leiki. Maður þekkir þær eins og handabakið á sér. Það eru kannski einstaklingsgæðin eða orkustig liðanna sem skilja á milli."

Eigum við ekki að reyna að slá það?
Vonandi verður sett áhorfendamet á morgun, vonandi verða meira en 2000 áhorfendur á vellinum.

„Var ekki Helena (Ólafsdóttir) að tala um að 1200 væri metið? Eigum við ekki að reyna að slá það?"

Væri ekki hálfgerður skandall ef metið verður ekki slegið á morgun?

„Jú, þetta er einstakt tækifæri að mæta hér á Hlíðarenda og algjör veisla í boði fyrir áhorfendur. Maður veit aldrei hvenær svona leikur verður í náinni framtíð. Ég vil hvetja alla að mæta á Hlíðarenda á morgun," sagði Elísa að lokum.