Fótbolti.net

fös 04. desember 2020 13:00

Magnús Már Einarsson

Björn Bragi spáir í leiki helgarinnar á Englandi

Björn Bragi með spilin.

Mynd: .

Undanúrslit Kviss eru annað kvöld.

Mynd: .

Elísa Viðarsdóttir var með fjóra rétta þegar hún spáði í leikina í ensku úrvalsdeildinni um síðustu helgi.

Björn Bragi Arnarsson spáir í leikina að þessu sinni. Björn Bragi gefur út spilin Pöbbkviss og Krakkakviss sem hafa slegið í gegn en önnur prentun af þeim er að verða uppseld.

Þá stýrir Björn Bragi spurningaþættinum Kviss á Stöð 2. Seinni undanúrslitaþátturinn þar er annað kvöld og úrslitin verða svo í beinni útsendingu 12. desember á Stöð 2.

Þar sem leik Newcastle og Aston Villa var frestað þá spáir Björn Bragi einnig í einn leik í Championship deildinni til að fá tíu leiki.

Burnley 2 - 2 Everton (12:30 á morgun)
Þetta verður óvænt rosalegur leikur. Umdeild atvik, rautt spjald og jöfnunarmark á lokamínútunum.

Manchester City 4 - 0 Fulham (15:00 á morgun)
City sýndu sitt rétta andlit í síðustu umferð og eru komnir í gang. Veit reyndar ekki hversu lengi þeir verða í gangi, en þetta verður auðveldur leikur fyrir þá.

West Ham 0 - 2 Manchester United (17:30 á morgun)
Það er 30 gráðu frost og myrkur 23 tíma á dag á Íslandi. United-vinir mínir þurfa ljós í lífið. Ég gef þeim 3 stig hér.

Chelsea 3 - 2 Leeds (20:00 á morgun)
Ég væri mikið til í að sjá Leeds ná sigri fyrir stórvin minn Mána Pétursson og aðra góða Leedsara. Held samt því miður að Chelsea taki þetta. Vona að ég hafi rangt fyrir mér.

WBA 2 - 1 Crystal Palace (12:00 á sunnudag)
Ég játa að ég hef verið spenntari fyrir leikjum en akkúrat þessum. Get hins vegar staðfest að West Brom vinnur hér annan sigur sinn í deildinni og kemst úr fallsæti.

Sheffield United 1 - 1 Leicester (14:15 á sunnudag)
Stáldrengirnir eru búnir að vera í ruglinu en þeir ná í stig. Fyrsta jafntefli Leicester á leiktíðinni.

Tottenham 2 - 1 Arsenal (16:30 á sunnudag)
Ég fer large á mína menn hér. Menn eru mishrifnir af Mourinho en það er ekki hægt að neita því að hann er winner. Liðið er farið að finna sig vel undir hans stjórn og lítur virkilega vel út.

Liverpool 1 - 0 Wolves (19:15 á sunnudag)
Púlarar eru vel svekktir eftir síðasta leik og vinna þennan. Að sjálfsögðu skorar Diogo Jota sigurmarkið gegn sínum gömlu félögum. Markið kemur í seinni hálfleik.

Brighton 2 - 1 Southampton (20:00 á mánudag)
Brighton voru heppnir í síðustu umferð á móti Liverpool og verða aftur heppnir hér.

Watford 3 - 1 Cardiff City (Championship) (15:00 á morgun)
Mér er hlýtt til Cardiff eftir að hafa farið að sjá þá þegar Aron Einar var að spila með þeim. Nú er hins vegar enginn Gunnarsson til að bjarga þeim og Watford tekur þennan leik.

Fyrri spámenn
Haukur Harðarson - 7 réttir
Sóli Hólm - 6 réttir
Gummi Ben - 5 réttir
Logi Bergmann Eiðsson - 5 réttir
Sara Björk Gunnarsdóttir - 5 réttir
Sölvi Tryggvason - 5 réttir
Elísa Viðarsdóttir - 4 réttir
Þorlákur Árnason - 4 réttir
Birkir Már Sævarsson - 3 réttir
Steindi Jr. - 3 réttir

		L	U	J	T	ms:	mf:	mun	Stig
1	Arsenal	24	16	5	3	46	17	+29	53
2	Man City	24	14	5	5	49	23	+26	47
3	Aston Villa	24	14	4	6	35	26	+9	46
4	Man Utd	24	11	8	5	44	36	+8	41
5	Chelsea	24	11	7	6	42	27	+15	40
6	Liverpool	24	11	6	7	39	33	+6	39
7	Brentford	24	11	3	10	36	32	+4	36
8	Sunderland	24	9	9	6	26	26	0	36
9	Fulham	24	10	4	10	34	35	-1	34
10	Everton	24	9	7	8	26	27	-1	34
11	Newcastle	24	9	6	9	33	33	0	33
12	Bournemouth	24	8	9	7	40	43	-3	33
13	Brighton	24	7	10	7	34	32	+2	31
14	Tottenham	24	7	8	9	35	33	+2	29
15	Crystal Palace	24	7	8	9	25	29	-4	29
16	Leeds	24	6	8	10	31	42	-11	26
17	Nott. Forest	24	7	5	12	24	35	-11	26
18	West Ham	24	5	5	14	29	48	-19	20
19	Burnley	24	3	6	15	25	46	-21	15
20	Wolves	24	1	5	18	15	45	-30	8