Eysteinn Ernir Sverrisson
Unglingalandsliðsmaðurinn Eysteinn Ernir Sverrisson skrifaði á dögunum undir sinn fyrsta meistaraflokkssamning við Selfoss.
Eysteinn Ernir er 16 ára gamall vinstri bakvörður sem kemur upp úr unglingastarfi Selfyssinga.
Í sumar spilaði hann sinn fyrsta leik með meistaraflokki er hann kom inn á sem varamaður í 2-0 sigri á Grindavík í Lengjudeildinni. Nú hefur hann skrifað undir sinn fyrsta samning við Selfyssinga.
Eysteinn hefur verið í leikmannahópum yngri landsliða og spilaði meðal annars sinn fyrsta leik fyrir U17 ára landsliðið í október.
Þessi efnilegi leikmaður hefur samtals spilað sex landsleiki fyrir yngri landsliðin.
Athugasemdir
