Fotbolti.net
04.12.24 - 16:33
Elvar Geir Magnússon

Van Dijk kominn með samningstilboð frá Liverpool

Liverpool ætlar að reyna að halda þríeykinu.

Liverpool ætlar að reyna að halda þríeykinu.

Canon

Mynd: Getty Images

Liverpool hefur boðið Virgil van Dijk nýjan samning. Gildandi samningur hans rennur út næsta sumar, það sama á við um samninga Trent Alexander-Arnold og Mohamed Salah.

The Athletic segir að Liverpool hafi nú stigið fyrsta skrefið til að reyna að halda þríeykinu og hollenski miðvörðurinn sé kominn með samningstilboð í hendurnar.

Hinn 33 ára Van Dijk hefur spilað fantavel í hjarta varnarinnar hjá Liverpool undir stjórn Arne Slot á tímabilinu og sýnt að hann er enn meðal bestu miðvarða heims.

Það ber þó enn mikið á milli í viðræðunum milli Liverpool og Van Dijk, bæði hvað varðar samningslengd og launatölur. Leikmaðurinn vill betra tilboð.
Liverpool hyggst í kjölfarið hafa samband við umboðsmenn Salah og hefja viðræður um nýjan samning við egypska sóknarleikmanninn. Salah hefur fengið áhuga frá PSG og Sádi-Arabíu.

Alexander-Arnold hefur verið sterklega orðaður við Real Madrid og spænska félagið vill klófesta hann á frjálsri sölu. Athletic segir að Liverpool muni reyna að halda honum þó viðræður séu ekki komnar í gang.

Lífið leikur við Liverpool sem er með níu stiga forystu í ensku úrvalsdeildinni og hefur einnig verið á flugi í Meistaradeildinni.

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.