Enska úrvalsdeildarfélagið Everton hefur áhuga á því að kaupa hollenska sóknarmanninn Wout Weghorst í sumar.
Frá þessu greinir Talksport.
Frá þessu greinir Talksport.
Weghorst hefur verið á láni hjá Manchester United seinni hluta tímabilsins þar sem hann skoraði tvö mörk í 31 leik.
Weghorst átti ekki sinn besta tíma hjá Man Utd og verður ekki áfram hjá félaginu á næstu leiktíð. Hann er samningsbundinn Burnley en það er ólíklegt að hann verði áfram þar.
Weghorst, sem er þrítugur, kom til Burnley í janúar 2022 eftir að hafa leikið vel með Wolfsburg í Þýskalandi.
Það verður fróðlegt að sjá hvað gerist í sumar en Everton hefur víst áhuga á leikmanninum. Everton rétt náði að bjarga sér frá falli á tímabilinu sem var að líða.
Athugasemdir