Brynjar Björn Gunnarsson, þjálfari Örgryte í Svíþjóð, vann fyrsta leik sinn með liðinu er það lagði Örebro, 2-0, í sænsku B-deildinni í kvöld.
Brynjar tók við Örgryte um miðjan maí og tapaði fyrsta leiknum en liðið gerði svo þrjú jafntefli í röð áður en fyrsti sigurinn kom í kvöld.
Ajdin Zeljkovic gerði bæði mörk Örgryte í leiknum en fyrra markið var skorað á 13. mínútu og svo kom síðara undir lok leiks.
Brynjar hefur beðið lengi eftir þessum fyrsta sigri og loks kom hann en Örgryte er nú í 14. sæti deildarinnar með 8 stig og er komið upp úr botnsætinu.
Axel Óskar Andrésson lék allan leikinn í vörn Örebro en lið hans er í 10. sæti með 16 stig.
Athugasemdir