Mynd: Fótbolti.net - Hafliði Breiðfjörð

Fyrri hlutinn er spilaður þannig að öll liðin spila einu sinni gegn hvoru öðru, alls 12 leikir á hvert félag.

Í seinni hlutanum er deildinni þrískipt. 1.- til 5. sætið fara í A úrslitin, 6.- til 9. sætin fara í B úrslitin og 10.- til 13. sætin fara í C úrslitin.

Efstu 5 liðin í fyrri hlutanum, eða liðin sem leika í A úrslitunum, keppa um tvö laus sæti í Lengjudeild kvenna. Félögin sem eru í B og C úrslitunum spila upp á ekki neitt nema sætin þar að neðan.

Stigin sem liðin voru með í fyrri hlutanum færast yfir alveg eins í þrískiptinguna. Í seinni hlutanum er tvöföld umferð á meðan hún var einföld í fyrri hlutanum. 

Því leika liðin sem eru í efstu 5 sætunum í fyrri hlutanum alls 20 leiki yfir sumarið en félögin þar að neðan spila 18 leiki.

Það eru ÍH, Einherji, KR, Völsungur og Haukar sem eru í efstu fimm sætunum og leika í A úrslitum. Haukakonur eru efstar en Völsungskonur í 2. sæti á einu marki með KR í 3. sæti.

Fjölnir, KH, Augnablik og Sindri leika í B úrslitum. 

Dalvík/Reynir, Álftanes, Vestri og Smári leika í C úrslitum.

Það verður spennandi að fylgjast með lokasprettinum í 2. deild kvenna og hvaða lið fara upp í Lengjudeildina.

Nánar hér.