Allan Saint-Maximin hefur ekki átt sjö dagana sæla en hann yfirgaf mexíkóska félagið Club America á dögunum eftir að dætur hans urðu fyrir kynþáttafordómum.
Hann samdi við franska liðið Lens í kjölfarið en félagið hefur sent frá sér yfirlýsingu og styður við bakið á leikmanninum eftir að rasísk ummæli voru skrifuð af aðilum í athugasemdum við myndband sem félagið birti við undirskriftina hans við félagið.
Lens sendi frá sér yfirlýsingu þar sem félagið fordæmdi ummælin á samfélagsmiðlum sínum og hafa lokað fyrir möguleikann á að skrifa frekari athugasemdir við tilkynningarmyndbandið.
Saint-Maximin er 28 ára gamall franskur sóknarmaður en hann ætlar sér að hjálpa Lens í harðri baráttu í frönsku deildinni. Liðið er í 2. sæti, aðeins tveimur stigum á eftir PSG.
Athugasemdir
