Roma mun greiða um 20 milljónir evra fyrir Smalling sem gerði frábæra hluti að láni hjá félaginu á síðustu leiktíð.

Paulo Fonseca, þjálfari Roma, hefur miklar mætur á Smalling og hann sárvantar annan miðvörð fyrir krefjandi tímabil í miðjum heimsfaraldri.

Félögin hafa verið í viðræðum í allt sumar án þess að komast að samkomulagi. Núna virðast hlutirnir þó loks vera að gerast en Roma hefur aðeins 20 mínútur til að ganga frá skiptunum þar sem glugginn á Ítalíu lokar klukkan 20:00 að staðartíma, eða 18:00 hér.

Smalling, sem verður 31 árs í nóvember, hefur spilað yfir 300 leiki fyrir Man Utd og á 31 landsleik að baki fyrir England.