Hefur ekki haft minni áhrif en Wood en fær ekki umtalið

Á síðasta tímabili komu 23 af 68 mörkum sem Forest fékk á sig úr föstum leikatriðum en það sem af er þessu tímabili hefur liðið aðeins fengið á sig eitt mark úr föstu leikatriði.

Forest vantaði varnarmann sem er sterkur í loftinu og fann hann í Milenkovic, sem er 27 ára og lék mjög vel með Serbum á EM í sumar.

Hann og Murillo ná afskaplega vel saman, eru ólíkir miðverðir en vega hvorn annan upp. Forest hefur aðeins fengið sjö mörk á sig, bara Liverpool hefur fengið færri.

Markaskorarinn Wood
Chris Wood hefur skorað átta úrvalsdeildarmörk á þessu tímabili og er markahæstur í deildinni ásamt Erling Haaland sóknarmanni Manchester City. Hann hefur skorað meira en leikmenn á borð við Mohamed Salah og Cole Palmer.

Þessi 32 ára Nýsjálendingur hefur skorað meira en helming marka Forest á þessu tímabili. Hann er með 22 möek í 30 úrvalsdeildarleikjum síðan hann kom frá Newcastle í júní 2023.

Nítján af þessum mörkum hafa komið undir stjórn Nuno síðan Portúgalinn tók við liðinu í desember. Aðeins Haaland hefur skorað fleiri mörk (ef vítaspyrnur eru teknar burt) en þau átján sem Wood hefur gert síðan 23. desember 2023.