Hinn 15 ára gamli Max Dowman, leikmaður Arsenal, varð yngsti leikmaðurinn til að spila í Meistaradeildinni í gær þegar hann kom inn á sem varamaður í 3-0 sigri gegn Slavia Prag.
Dowman var 15 ára og 308 daga gamall í gær en hann bætti met Youssoufa Moukoko sem var 16 ára og 18 daga gamall þegar hann spilaði fyrir Dortmund gegn Zenit árið 2020. Hann var í byrjunarliði FCK í 5-0 tapi gegn Tottenham í gær.
Mikel Arteta, stjóri Arsenal, hrósaði Dowman eftir leikinn.
„Hann tekur menn á, hleypur með boltann og nælir í aukaspyrnu. Það er hugrekki sem er ekki hægt að kenna," sagði Arteta.
„Það skiptir ekki máli hvað stendur í vegabréfinu. Maður hendir honum inn í þessar aðstæður og hann aðlagast og sýnir góða frammistöðu."
Athugasemdir
