Rúmenskir stuðningsmenn náðu að kaupa miða í stúku Íslands á umspilsleikinn gegn Íslandi þann 26. mars næstkomandi.
Vísir segir frá þessu í dag og hefur þetta eftir íþróttamiðlinum Gazeta Sporturilor.
Rúmenar kláruðu strax miðaúthlutun sína á stórleikinn sem hljóðaði upp á tæplega 1000 miða. Þeir dóu ekki ráðalausir og náðu að bæta við fleiri miðum með því að kaupa miða í íslensku miðasölunni.
Vísir segir frá þessu í dag og hefur þetta eftir íþróttamiðlinum Gazeta Sporturilor.
Rúmenar kláruðu strax miðaúthlutun sína á stórleikinn sem hljóðaði upp á tæplega 1000 miða. Þeir dóu ekki ráðalausir og náðu að bæta við fleiri miðum með því að kaupa miða í íslensku miðasölunni.
Á Vísi segir að í Facebook-hópi Rúmena sem búsettir séu á Íslandi hafi skapast umræða um leikinn, og menn verið á tánum þegar KSÍ opnaði fyrir sölu miða á dögunum. Þeir sem náðu í miða á leikinn voru hvattir til að láta vita af sér og náðu ýmsir 4 eða 6 miðum og sumir jafnvel 8.
Því er ljóst að einhverjir rúmenskir stuðningsmenn verða innan um íslenska stuðningsmenn í stúkunni á Laugardalsvelli þann 26. mars.
Athugasemdir