Leeds og Tottenham mætast í hádegisleiknum í ensku úrvalsdeildinni á laugardaginn. Marcelo Bielsa, stjóri Leeds, sat fyrir svörum á fréttamannafundi í morgun.

Þar sagðist hann vilja halda Norður-makedónska landsliðsmanninum Ezgjan Alioski hjá félaginu en þessi 29 ára leikmaður verður samningslaus í sumar.

„Það eru viðræður milli leikmannsins og félagsins. Ég yrði ánægður ef Alioski yrði áfram með okkur en það er ekki í mínum höndum," segir Bielsa.