Fjölnir og Fram byrja á tveggja marka sigrum í Lengjudeildinni. Liðin unnu sína leiki í 1. umferð deildarinnar.

Fram lagði Víking Ólafsvík á heimavelli, 4-2. Fram var komið í 3-0 eftir fimm mínútna leik og þannig var staðan í hálfleik. Fred skoraði 3. mark Fram á 5. mínútu og 4. markið á 51. mínútu.

Ólsarar minnkuðu muninn á 60. mínútu þegar Kyle skoraði sjálfsmark og Harley Willard skoraði annað mark Ólsara úr víti á 81. mínútu. Lengra komust gestirnir ekki og Fram byrjar á því að taka þrjú stig úr fyrsta leik.

Markalaust var á Eimskipsvellinum í leikhléi en á fyrstu mínútu seinni hálfleiks skoraði Samuel Ford fyrir heimamenn. Gummi Kalli jafnaði metin á 53. mínútu fyrir gestina. Sigurpáll Melgberg, Spalli, kom Fjölni yfir á 68. mínútu og það var svo Alexander Freyr, lánsmaður frá HK, sem skoraði þriðja mark Fjölnis.

Á 86. mínútu fékk Hreinn að líta rauða spjaldið hjá heimamönnum. Fjölnir byrjar á góðum endurkomusigri á útivelli.