Þýski sóknarmaðurinn Timo Werner virðist vera að ganga í raðir Chelsea frá RB Leipzig.
Sagt er að þessi 24 ára leikmaður, sem er með 25 mörk í þýsku Bundesligunni á þessu tímabili, sé með riftunarákvæði upp á 54 milljónir punda.
Hann var sterklega orðaður við Liverpool en talið er að það sé af fjáhagssástæðum sem Liverpool ætlar ekki að kaupa hann.
Þegar í ljós kom að Liverpool myndi ekki kaupa Werner þá höfðu umboðsmenn hans samband við Chelsea og Manchester United, félög sem höfðu einnig sýnt áhuga. Chelsea virðist núna vera að landa honum, en United hafði ekki áhuga. Fjölmiðlamaðurinn Sam Pilgar segir að það sé vegna þess að United sé með öll augu á Jadon Sancho, leikmanni Borussia Dortmund.
Sancho, sem er tvítugur, hefur hvað mest verið orðaður við United, en hann hefur einnig verið bendlaður við Chelsea.
Manchester United's refusal to pursue Timo Werner is in part due to their growing confidence they will sign their main target this summer: Jadon Sancho #MUFC
— Sam Pilger (@sampilger) June 5, 2020
Athugasemdir