Bodö/Glimt tók á móti KÍ frá Klaksvík í undankeppni Meistaradeildarinnar í dag og lenti ekki í erfiðleikum.
Alfons Sampsted var á sínum stað í hægri bakvarðarstöðunni er nígeríski framherjinn Victor Boniface sá um markaskorunina.
Boniface skoraði tvennu í fyrri hálfleik og fullkomnaði þrennuna eftir leikhlé í þægilegum 3-0 sigri.
Seinni leikurinn verður í Færeyjum næsta þriðjudag og mun sigurliðið mæta sigurvegurunum úr viðureign TNS og Linfield í næstu umferð.
Bodö/Glimt 3 - 0 KÍ Klaksvík
1-0 Victor Boniface ('11)
2-0 Victor Boniface ('31)
3-0 Victor Boniface ('58, víti)
Á sama tíma gerðu Tobol og Ferencvaros markalaust jafntefli í Kasakstan og HJK lagði RFS í Helsinki 1-0.
Seinna í kvöld mæta lið á borð við Sheriff Tiraspol, Maribor og Slovan Bratislava til leiks auk Shakhtyor Soligorsk frá Hvíta-Rússlandi.
Tobol 0 - 0 Ferencvaros
HJK 1 - 0 RFS