Roony Bardghji.
Roony Bardghji er í sænska A-landsliðshópnum í fyrsta sinn en búið er að velja hann í hópinn fyrir verkefni í janúar.
Daniel Bäckström, sem stýrir sænska liðinu á meðan leitað er að nýjum þjálfara, hefur valið hóp sem tekur þátt í verkefni á Kýpur í janúar.
Bardghji, sem er 18 ára, hefur áður talað um vonbrigði að hafa ekki verið valinn í sænska landsliðið en hann fær núna tækifæri til að sýna sig með A-landsliðinu.
Þessi efnilegi leikmaður hefur vakið mikla athygli fyrir frammistöðu sína með FC Kaupmannahöfn á tímabilinu.
Jordan Larsson, sóknarmaður FCK, er einnig í hópnum og það gefur ágætis fyrirheit að Orri Steinn Óskarsson verði með íslenska landsliðinu í Bandaríkjunum í janúar. Orri Steinn er liðsfélagi Bardghji og Larsson í Kaupmannahöfn.
Athugasemdir
