Deildin hefur sjaldan verið jafn jöfn og mætir topplið Barcelona til leiks annað kvöld, á heimavelli gegn Osasuna.

Fallbaráttulið Alavés og Valencia eiga heimaleiki gegn Villarreal og Real Valladolid á morgun, þar sem lærisveinar Carlos Corberán í liði Valencia munu freista þess að sigra gegn botnliðinu til að koma sér upp úr fallsæti.

Þrautin verður þyngri fyrir Alavés þar sem Villarreal er á góðri siglingu og í harðri baráttu um sæti í Meistaradeild Evrópu.

Sunnudagurinn byrjar á nágrannaslag Getafe gegn Atlético Madrid, en Atlético er í öðru sæti einu stigi á eftir Barcelona. Eftir að þeim leik lýkur mæta Spánarmeistarar Real Madrid til leiks á heimavelli gegn Evrópubaráttuliði Rayo Vallecano.

Athletic Bilbao, sem voru óheppnir að tapa gegn Roma í miðri viku, taka á móti Mallorca í spennandi slag áður en Orri Steinn Óskarsson og félagar í Real Sociedad spila við Sevilla. Aðeins eitt stig skilur að á milli liðanna í baráttunni um Evrópusæti.

Espanyol mætir Girona í síðasta leik umferðarinnar sem fer fram á mánudagskvöldið.

Laugardagur
13:00 Celta - Leganes
15:15 Alaves - Villarreal
17:30 Valencia - Valladolid
20:00 Barcelona - Osasuna

Sunnudagur
13:00 Getafe - Atletico Madrid
15:15 Real Madrid - Vallecano
17:30 Athletic - Mallorca
17:30 Betis - Las Palmas
20:00 Real Sociedad - Sevilla

Mánudagur
20:00 Espanyol - Girona