Matthijs de Ligt.
Hollenski landsliðsmaðurinn Matthijs de Ligt verður fjarverandi vegna meiðsla þegar Manchester United leikur seinni leik sinn gegn Athletic Bilbao í undanúrslitum Evrópudeildarinnar annað kvöld.
De Ligt fór meiddur af velli í tapinu gegn Brentford um síðustu helgi og óttast var að hann myndi ekki meira spila á tímabilinu. Meiðslin eru þó ekki alvarleg.
De Ligt fór meiddur af velli í tapinu gegn Brentford um síðustu helgi og óttast var að hann myndi ekki meira spila á tímabilinu. Meiðslin eru þó ekki alvarleg.
„Þetta er ekki stórt vandamál og það eru jákvæðar fréttir," segir Rúben Amorim, stjóri Manchester United.
„En hann getur ekki spilað á morgun og ekki gegn West Ham á sunnudag. Svo sjáum við til vað gerist."
Amorim staðfestir einnig að Toby Collyer og Ayden Heaven verði fjarri góðu gamni á morgun.
Manchester United er með öll spil á hendi eftir 3-0 útisigur í fyrri leiknum og líklegt að liðið muni leika til úrslita í Evrópudeildinni, gegn Bodö/Glimt eða Tottenham.
Athugasemdir
