Olga Sevcova var öflug í sigri Eyjaliðsins
ÍBV 5 - 1 Grótta
1-0 Olga Sevcova ('8 )
2-0 Allison Grace Lowrey ('28 )
2-1 Hulda Ösp Ágústsdóttir ('38 )
3-1 Olga Sevcova ('53 )
4-1 Allison Grace Lowrey ('73 )
5-1 Edda Dögg Sindradóttir ('93 )
Lestu um leikinn
1-0 Olga Sevcova ('8 )
2-0 Allison Grace Lowrey ('28 )
2-1 Hulda Ösp Ágústsdóttir ('38 )
3-1 Olga Sevcova ('53 )
4-1 Allison Grace Lowrey ('73 )
5-1 Edda Dögg Sindradóttir ('93 )
Lestu um leikinn
ÍBV vann sinn fyrsta leik í Lengjudeildinni í ár með því að skella Gróttu, 5-1, á Þórsvellinum í Vestmannaeyjum í kvöld.
Olga Sevcova kom Eyjakonum á bragðið á 8. mínútu er Allison Clark þræddi hana í gegn og tuttugu mínútum síðar skoraði Allison Grace Lowrey annað markið með stórglæsilegu skoti.
Grótta komst aftur inn í leikinn á 28. mínútu eftir mistök Guðnýjar Geirsdóttur sem fór í skógarhlaup og datt boltinn einhvern veginn fyrir Huldu Ösp sem skoraði af löngu færi.
Eyjakonur fóru með sanngjarna 2-1 forystu inn í hálfleik og héldu áfram að bæta við mörkum í þeim síðari.
Olga gerði þriðja markið og annað mark sitt í leiknum á 53. mínútu, aftur eftir sendingu frá Allison Clark og var það Olga sem stangaði boltanum í netið.
Allison Grace og Edda Dögg Sindradóttir bættu við tveimur mörkum á síðustu tuttugu mínútum leiksins. Allison Grace átti laglegan sprett inn í teiginn og kláraði vel, en svo sáu varamennirnir um fimmta markið er Lilja Kristín Svansdóttir fann Eddu í teignum sem rak síðasta naglann í kistu Gróttu.
Fyrsti sigur ÍBV staðreynd og liðið komið með þrjú stig en Grótta er án stiga eftir tvo leiki.
Lengjudeild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 2 | 1 | 0 | 1 | 6 - 3 | +3 | 3 |
| 2. Fylkir | 1 | 1 | 0 | 0 | 3 - 1 | +2 | 3 |
| 3. KR | 1 | 1 | 0 | 0 | 3 - 1 | +2 | 3 |
| 4. Grindavík/Njarðvík | 1 | 1 | 0 | 0 | 2 - 1 | +1 | 3 |
| 5. Haukar | 1 | 1 | 0 | 0 | 2 - 1 | +1 | 3 |
| 6. HK | 1 | 1 | 0 | 0 | 2 - 1 | +1 | 3 |
| 7. Keflavík | 1 | 0 | 0 | 1 | 1 - 2 | -1 | 0 |
| 8. Afturelding | 1 | 0 | 0 | 1 | 1 - 3 | -2 | 0 |
| 9. ÍA | 1 | 0 | 0 | 1 | 1 - 3 | -2 | 0 |
| 10. Grótta | 2 | 0 | 0 | 2 | 2 - 7 | -5 | 0 |
Athugasemdir
