Arsenal og Leicester City skildu jöfn í siðasta leik kvöldsins í ensku úrvalsdeildinni.
Pierre-Emerick Aubameyang kom heimamönnum í Arsenal yfir í fyrri hálfleik og jafnaði Jamie Vardy í þeim síðari. Aubameyang skoraði eftir frábæran undirbúning frá Bukayo Saka á meðan Vardy stýrði fyrirgjöf Demarai Gray í netið.
Arsenal var betri aðilinn stærsta hluta leiksins en gestirnir frá Leicester tóku völdin þegar heimamenn misstu mann af velli.
Eddie Nketiah kom inn í seinni hálfleik og fékk beint rautt spjald fyrir háskaleik skömmu síðar. Fréttamaður Sky Sports gaf honum ekki í einkunn í kvöld en áhrif hans voru gríðarlega neikvæð.
Gangur leiksins breyttist eftir spjaldið og náðu gestirnir að setja inn jöfnunarmark.
Dani Ceballos, miðjumaður Arsenal, var valinn maður leiksins á Sky Sports. Allir aðrir í liði Arsenal, að undanskildum markverðinum Emiliano Martinez, fengu 7 í einkunn. Hálft lið Leicester fékk 7 fyrir sitt framlag og hinn helmingurinn 6.
Arsenal: Martinez (6), Mustafi (7), Luiz (7), Kolasinac (7), Bellerin (7), Ceballos (8), Xhaka (7), Tierney (7), Saka (7), Lacazette (7), Aubameyang (7).
Varamaður: Willock (5)
Leicester: Schmeichel (7), Justin (7), Evans (7), Soyuncu (6), Bennett (6), Perez (7), Tielemans (7), Ndidi (6), Albrighton (6), Iheanacho (6), Vardy (7).
Athugasemdir