mán 07. október 2019 22:40
Sæbjörn Þór Þórbergsson Steinke
Zaha ætlar að lögsækja umboðsmanninn sem kom honum ekki burt
Mynd: Getty Images
Wilfried Zaha ætlar, samkvæmt Daily Mail að lögsækja umboðsmanninn sem mistókst að koma honum frá herbúðum Crystal Palace í sumar.

Sjá einnig: Zaha rekur umboðsmann sinn

Zaha er búinn að ráða lögfræðinga frá skrifstofu í Manchester til að sjá um málið frá sinni hlið.

Sögusagnir segja að umboðsmaðurinn og Steve Parish, stjórnarformaður Palace, séu vinir og það á að hafa gert umboðsmanninum erfiðara fyrir að losa leikmanninn.

Zaha er ekki parsáttur með vinnubrögðin en hann var orðaður við bæði Arsenal og Everton í sumar.

Zaha skrifaði undir fimm ára samning í fyrra og félagið er því í sterkri stöðu þegar kemur að því að halda vængmanninum áfram.
Athugasemdir
banner
banner
banner