Pisa fagnar marki.
Pisa 1 - 0 Cremonese
1-0 Idrissa Toure ('75 )
1-0 Idrissa Toure ('75 )
Pisa spilaði loksins leik án þess að gera jafntefli. Þeir gerðu betur en það, lögðu Cremonese að velli í eina leik kvöldsins í ítölsku úrvalsdeildinni.
Pisa hafði gert fjögur jafntefli í röð áður en kom að leiknum í kvöld og það stefndi lengi vel í eitt slíkt þegar Cremonese mætti á Arena Garibaldi – Stadio Romeo Anconetani sem er rétt hjá Skakka turninum í Pisa.
Idrissa Toure gerði hins vegar sigurmarkið þegar stundarfjórðungur var eftir af venjulegum leiktíma.
Pisa kom sér þremur stigum frá fallsvæðinu með þessum sigri en Mikael Egill Ellertsson og félagar í Genoa eru í 18. sæti. Cremonese hefur komið á óvart til þessa og er í tíunda sæti.
Athugasemdir
