Diaz, Salah, Gallagher, Jorginho, Greenwood, Cancelo og fleiri góðir í slúðri dagsins
banner
   mið 07. desember 2022 13:35
Elvar Geir Magnússon
Rice veikur og æfði ekki í dag
Declan Rice í pílukasti.
Declan Rice í pílukasti.
Mynd: Getty Images
Miðjumaðurinn Declan Rice missti af æfingu með enska landsliðinu í dag þar sem hann er veikur. England er að búa sig undir leik gegn heimsmeisturum Frakklands í 8-liða úrslitum á sunnudag.

Rice er lykilmaður og hefur byrjað alla fjóra leiki Englands í Katar.

Sóknarmaðurinn Callum Wilson, sem hefur verið notaður sem varamaður, æfði ekki heldur í dag en hann er að glíma við minniháttar vöðvaðmeiðsli.

Alls æfðu 22 leikmenn með enska landsliðinu í dag, Ben White yfirgaf hópinn í síðustu viku af persónulegum ástæðum og Raheem Sterling fór til Englands eftir að brotist var inn á heimili hans.

Athygli vakti í gær að Kylian Mbappe æfði ekki með franska landsliðinu en gefin var sú skýring að hann væri bara enn að ná leiknum gegn Póllandi úr sér.
Athugasemdir
banner
banner
banner