Íslenska kvennalandsliðið er 2-1 undir í hálfleik gegn Sviss á Þróttarvellinum í Þjóðadeildinni.
Lestu um leikinn: Ísland 3 - 3 Sviss
Íslenska liðið byrjaði leikinn afleitlega en staðan var orðin 2-0 eftir rúman stundafjórðung.
Þorsteinn Halldórsson, landsliðsþjálfari, var eðlilega ekki sáttur með gang mála og gerði tvöfalda breytingu á liðinu á 37. mínútu. Áslaug Munda Gunnlaugsdóttir og Dagný Brynjarsdóttir komu inn fyrir Sædísi Rún Heiðarsdóttir og Berglind Rós Ágústsdóttir.
„Ég held að það séu bara skilaboð að rífa okkur í gang, þetta er ekki boðlegt," sagði Guðrún Arnardóttir í viðtali við Rúv í hálfleik.
Karólína Lea Vilhjálsdóttir minnkaði muninn með marki beint úr aukaspyrnu á lokasekúndum fyrri hálfleiks.
Hryllingsmynd í gangi á Þróttaravellinum ????
— Guðmundur Aðalsteinn Ásgeirsson (@gummi_aa) April 8, 2025
Þessar fyrstu 30 með því verra sem maður hefur séð frá íslensku landsliði ????
Varnarleikur til háborinnar skammar og komumst varla yfir miðju ???? https://t.co/bwlTmjRhgN
Athugasemdir
