KR hefur ákveðið að lána Emil Ásmundsson frá sér og er Emil kominn með leikheimild hjá uppeldisfélagi sínu Fylki.
Emil gekk í raðir KR fyrir tímabilið 2020 frá einmitt Fylki en lenti í mjög erfiðum meiðslum á undirbúningstímabilinu - sleit krossband og var frá allt tímabilið.
Emil gekk í raðir KR fyrir tímabilið 2020 frá einmitt Fylki en lenti í mjög erfiðum meiðslum á undirbúningstímabilinu - sleit krossband og var frá allt tímabilið.
Emil sneri til baka snemma árs 2021 en meiddist aftur á liðþófa fyrir tímabilið og sneri ekki til baka fyrr en í september og kom þá við sögu í tveimur leikjum.
Í sumar hefur hann ekkert spilað vegna meiðsla en er nú mættur í Fylki sem spilar í Lengjudeildinni. Emil er 27 ára miðjumaður sem var á mála hjá Brighton á Englandi á árunum 2013-16.
Fylkir er í 2. sæti Lengjudeildarinnar með átján stig eftir tíu umferðir. Næsti leikur liðsins er á heimavelli gegn Þór á morgun.
Athugasemdir