Sílemaðurinn Alexis Sanchez mun ganga í raðir franska félagsins Marseille á næstu dögum.
Sanchez er 33 ára gamall og verið á mála hjá Inter síðustu þrjú tímabil.
Hann kom á láni til Inter frá Manchester United árið 2019 og gerði síðan skipti sín varanleg ári síðar.
Sóknarmaðurinn öflugi er ekki í plönum Simone Inzaghi hjá Inter og hefur hann því síðustu daga unnið í því að rifta samningi sínum.
Fabrizio Romano segir að Sanchez sé þegar búinn að ákveða næsta áfangastað en hann gengur til liðs við Marseille í Frakklandi. Sanchez mun skrifa undir tveggja ára samning við félagið.
Marseille hafnaði í 2. sæti frönsku deildarinnar á síðustu leiktíð og mun því spila í Meistaradeildinni. Sanchez verður 12. leikmaðurinn sem Marseille fær í glugganum.
Athugasemdir