Þýskaland: Óvæntur útisigur botnliðsins

Paderborn vann aðeins sinn annan sigur á tímabilinu þegar liðið lagði Werder Bremen óvænt á útivelli í þýsku deildinni í dag.

Það er mikið bras á Werder Bremen sem er aðeins tveimur stigum fyrir ofan fallsvæðið.

Miðjumaðurinn Sven Michel reyndist hetja Paderborn en hann skoraði eina mark leiksins í lokin.

Paderborn var í neðsta sæti deildarinnar en er nú með 8 stig líkt og Köln sem tapaði fyrir Union Berlín í dag. Sænski sóknarmaðurinn Sebastian Andersson skoraði bæði mörk Union Berlín.