Spánn: Valencia fór létt með Valladolid - Eibar vann

Spilað er í 35. umferðinni og er mikil spenna í deildinni. Eibar, sem er í neðsta sæti deildarinnar, þurfti nauðsynlega á sigri að halda gegn Getafe.

Allt stefndi í markalaust jafntefli en á 89. mínútunni fékk Eibar vítaspyrnu. Recio, með sínar stáltaugar, steig á punktinn og skoraði gífurlega mikilvægt mark sem heldur Eibar á lífi í fallbaráttunni.

Í hinum leiknum áttust við Valencia og Real Valladolid. Valencia vann öruggan sigur og eru nú gestirnir frá Valladolid, einungis einu stigi frá fallsæti.

Í kvöld mætast Real Madrid og Sevilla í stórleik þar sem Real getur komið sér á toppinn.

Getafe 0 - 1 Eibar
0-1 Recio ('89 , víti)

Valencia 3 - 0 Valladolid
1-0 Maxi Gomez ('45 )
2-0 Maxi Gomez ('48 )
3-0 Thierry Correia ('89 )