Diogo Dalot, bakvörður Manchester United, er farinn til Kína þar sem hann verður í meðhöndlun hjá brasilíska sjúkraþjálfaranum Eduardo Santos á næstunni.
Santos starfar hjá Shanghai SIPG í Kína en franskir fjölmiðlar gáfu honum nafnið „kraftaverkalæknirinn" eftir að hann náði að koma David Luiz inn á völlinn mun fyrr en áætlað var þegar hann meiddist aftan í læri árið 2015.
Santos starfar hjá Shanghai SIPG í Kína en franskir fjölmiðlar gáfu honum nafnið „kraftaverkalæknirinn" eftir að hann náði að koma David Luiz inn á völlinn mun fyrr en áætlað var þegar hann meiddist aftan í læri árið 2015.
Leikmenn eins og Radamel Falcao, Mousa Dembele og Eliaquim Mangala hafa einnig fengið meðhöndlun hjá Santos í gegnum tíðina.
Hinn tvítugi Dalot kom til Manchester United í fyrrasumar en Jose Mourinho sagði þá að hann væri besti ungi bakvörðurinn í Evrópu.
Meiðsli hafa verið að stríða Dalot og samkeppnin fyrir hann varð mun meiri í sumar þegar United keypti Aaron Wan-Bissaka frá Crystal Palace.
Athugasemdir
