Víkingur Ólafsvík heldur áfram að styrkja sig fyrir komandi átök í 1. deild karla en enski leikmaðurinn Billy Stedman samdi við félagið í dag.
Stedman er 20 ára gamall sóknartengiliður en hann getur spilað fyrir aftan framherja og á vængnum.
Hann var síðast á mála hjá Coventry City á Englandi en samningur hans rann út síðasta sumar.
Stedman spilaði einn leik fyrir aðallið Coventry en það var í 3-0 tapi gegn U21 árs liði Arsenal í EFL-bikarnum.
Hann var á reynslu hjá Víkingum um mánaðarmótin og þótti standa sig vel og ákvað félagið því að semja við hann.
Víkingur Ó. hafnaði í 4. sæti Inkasso-deildarinnar á síðasta tímabili en eftir tímabilið hætti Ejub Purisevic með liðið og er Jón Páll Pálmason nýr þjálfari Víkings.
Athugasemdir