Lærisveinar Julian Nagelsmann áttu ekki í stökustu vandræðum með Tottenham. Leipzig vann fyrri leikinn í London 1-0 og tók á móti Spurs í Þýskalandi í dag.

Eins og á Englandi þá byrjaði Leipzig leikinn í kvöld af miklum krafti og var staðan orðin 1-0 eftir tíu mínútur. Marcel Sabitzer skoraði þá með skoti fyrir utan teig sem Hugo Lloris náði að koma hendi á, en ekki nægilega mikið til að halda boltanum frá markinu.

Leipzig hélt bara áfram. Ellefu mínútum síðar skoraði Sabitzer aftur. Serge Aurier gerði slæm mistök og bakvörðurinn Angelino nýtti sér það. Hann sendi boltann fyrir þar sem Sabitzer og skallaði boltann í netið.

Eftirleikurinn var auðveldur og Tottenham gerði ekki mikið til að komast aftur inn í einvígið.

Varamaðurinn Emil Forsberg skoraði þriðja mark á 87. mínútu og lokatölurnar í Þýskalandi 3-0 fyrir heimamenn. Samanlagt 4-0 í þessu einvígi.

Tottenham til varnar þá vantar lykilmenn eins og Moussa Sissoko, Harry Kane og Son Heung-min í liðið. Steven Bergwijn er þá einnig meiddur. Starf Jose Mourinho, stjóra Tottenham, er erfitt í augnablikinu, en liðið er núna úr leik í Meistaradeildinni eftir að hafa farið alla leið í úrslit í fyrra.