Lionel Messi var með stjörnur í augunum þegar Thierry Henry kom til Barcelona frá Arsenal árið 2007.

Henry vann tvo Englandsmeistaratitla með Arsenal og var einn besti fótboltamaður í heimi þegar hann kom til Börsunga. Á meðan var Messi enn ungur og að læra. Argentínumaðurinn átti síðar eftir að verða einn besti fótboltamaður allra tíma.

„Þegar hann kom inn í búningsklefann fyrst þá þorði ég ekki að horfa í áttina að honum," sagði Messi að því er kemur fram hjá franska íþróttablaðinu L'Equipe.

„Ég vissi um allt sem hann hefði gert á Englandi. Allt í einu var hann kominn í mitt lið."

„Ég ber mikla virðingu fyrir honum. Ég elska Henry. Hann átti svo auðvelt með að rekja boltann og klára færi, og fyrir honum er þetta allt náttúrulegt."

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit