Messi hefur verið orðaður við Inter í gegnum tíðina og sagði Massimo Moratti, fyrrum forseti Inter, fyrr í þessari viku að Inter ætlaði að reyna að kaupa Argentínumanninn.

Messi hefur hingað til leikið allan sinn feril með Barcelona og erfitt er að sjá hann spila annars staðar. Rivaldo, sem lék áður fyrr með Barcelona, segist ekki geta séð það fyrir sér að Messi spili með öðru félagi í Evrópu.

„Það er engin ástæða fyrir hann að fara frá Spáni, en ef það gerist einn daginn þá gæti hann farið í MLS eða til Kína. Það mun aðeins gerast þegar hann hættir að vera svona mikilvægur fyrir Barcelona," sagði Rivaldo.